عادي اخطبي واتركي!
عادي اخطبي ولمّا تشوفي انو في اشي غلط بخطيبك و مش عاجبك ، اتركي ،،
تهتميش بحكي الناس انو هيها فسخت !!
لما تتجوزي ، الناس ما رح يعيشو معك ، هاي حياتك انتي ، مش مشكله اذا الاول راح بيجي غيرو ،، القصه نصيب !!
اذا شفتي انو بخيل تسكتيش و ما تقولي بكرا بصير كريم ، البخيل مولود بخيل ،، اذا شفتيه عاطل اتركي ،، اذا عرفتي انو مش محترمك انسي ، اذا عرفتي انو كذاب اوعي تضلي!
افرطيها من اولها ، بدل ميجي يوم وتندمي انك سكتتي!!
انسي الناس ، ما حدا بعرف مصلحتك غيرك ،،
اخطبي مره و مرتين و ثلاث ،،
و استخيري مره ومرتين و مليون ،، وخدي وقتك ، انسي العمر ، العمر كلو ارقام ، و نصيبك نصيبك ،،
مهو هاي فكرة الخطبه ، انسي قصة يتعرفو ع بعض ، التعرف سهل عادي ، المهم تعرفو بعض ، و تشوفي شوفيه صح و شوفيه غلط ، القصه مش لعبة او رحلة ، القصة حياة و عُمر !
الناس عجميع الجهات بتحكي ،،
ترديش لما يقولو فلانه خطبت ٩ مرات ،، هاي عالم فاضيه وبدهم موضوع ،، ما رح يعيشو معك ،، بالعكس يمكن بعرسك ييجو يزقفو و يرقصو ويوكلو و يروحو ويحكو عن فستانك قديش مكلف واذا ايجار او بيع ،، ما رح يعانو معك اذا كان في مشكله !
عادي لو تخطبي ٩٠٠ مره ،، المهم ما تنخدعي بواحد مريض نفسي يخليكي تكرهي ام الحياه الزوجيه !!
الناس عالحلوه معك ، اما عالمُرة ضدك ،،
اذا شافوكي بتضحكي بضحكو معك ،، و اذا بتبكي بحلقولك ،، وبيقولو مش ناقصنا دراما ،،
اذا اتطلقتي بيقولو : ابصر شو عامليتلو ،، ما بيقولو ابصر هو شو عامل !!
تقوليش ليش حظي هيك وليش لهلا ما خطبت ولا تجوزت ،، وتقوليش ليش هاي خطبت وانا لا ، وتفكريش انك مش منيحه او مش حلوه ، كل البنات حلوين ، و لو شايفه انو فيكي اشي مش عاجبك ، رح تلاقي حد بدور اصلا عهاد الاشي !!
في غيرك تجوزو و مش مبسوطين ،، و في غيرك صبروا و استنوا و اجاهم احسن الناس ،،
ردي ع امك ، ما تردي ع صاحباتك و كلامهم ، ترديش ع صاحبتك اذا خطبت ،، لانو كل مواضيعها مجاكره ، حتى لو انها مش مبسوطه ،، بتمثل انها تمام !!
ومش كل الشباب عاطلين ، في ولاد حلال مليان ،، و الطيبون للطيبات ،، واذا انتي منيحه بيجيكي اللي احسن منك ،،
في شباب ماخدين فكره عن الزواج ،، انو رح يصير عندو بنت يربيها و يدعس عليها ، وهو اصلا مش مربي حالو اول ،،
وبفكرو انو رح يجيب بنت يمشيها عالريموت ، لانها مرتو و حر فيها ، هاد مريض انسيه !
بس في شباب ولاد حلال و بخاف ع مرتو زي مبخاف ع امو و اختو ،، و بحترمها و بقدرها و بعرف قيمتها وبصونها وبحتويها ،،
والباقي عندك ،،